Wednesday, March 27, 2019

"మిషన్ శక్తి"- విజయవంతం. ఇది సాధించిన 4 వ దేశం భారత్:ప్రధాని హర్షం


భారత దేశ శాస్త్రవేత్తలు మరో ఘనతను సాధించారు.మన దేశ అమ్ముల పొది మరో అస్త్రం చేరింది.ఎన్నో దేశాలు సాధించలేని ఘనతను భారత్ సాధించింది. స్పేస్ లో ఉన్న ఒక శాటిలైట్ ను మిస్సైల్ తో కూల్చే, సాంకేతిక పరిజ్ఞానం ను భారత్ "మిషన్ శక్తి" పేరిట ఈ రోజు సాధించింది. ఈ మిస్సైల్ ని ASAT(Anti Satilite missile) అంటారు.పరీక్ష కోసం మన drdo శాస్త్రవేత్తలు తయారు చేసిన ఒక శాటిలైట్ ను భూమి నుండి 300 కి.మీ.ఎత్తులో, ఏపీజే అబ్దుల్ కలాం ఐలాండ్(వీలర్స్ ఐలాండ్) నుండి ప్రయోగించిన  మిస్సైల్ తో పేల్చేశారు.     ఈ సాంకేతికత పూర్తి స్వదేశీ సాంకేతికత. ఈ విజయం పై భారత ప్రధానమంత్రి శ్రీ నరేంద్ర మోడీ జాతినుద్దేశించి మాట్లాడారు.శాస్త్రవేత్తల కు శుభాకాంక్షలు తెలిపారు.

ఇప్పటివరకూ అమెరికా (1958), రష్యా(1964) , చైనా(2007) లు మాత్రమే సాధించిన మరో ఘనతను ఇండియా కూడా సాధించిందని ప్రధాని నరేంద్ర మోదీ వ్యాఖ్యానించారు. జాతినుద్దేశించి ప్రసంగించిన ఆయన, అంతరిక్షంలో ఓ శాటిలైట్ ను కూల్చివేశామని, ఇంత టెక్నాలజీని సాధించిన శాస్త్రవేత్తలను అభినందిస్తున్నానని, ఇది ప్రతి భారతీయుడూ గర్వించదగ్గ అంశమని అన్నారు. లోయర్ ఎర్త్ ఆర్బిట్ లోని ఈ లైవ్ శాటిలైట్ ను ఏ-శాట్ (యాంటీ శాటిలైట్) మిసైల్ ద్వారా కేవలం మూడు నిమిషాల వ్యవధిలో కూల్చేశామని అన్నారు. ఈ ఆపరేషన్ విజయవంతమైందని, 'మిషన్ శక్తి' పేరిట ఇది జరిగిందని అన్నారు. ఇకపై ఇండియా ఎటువంటి లక్ష్యాన్ని అయినా ఛేదించగల శక్తి ఇండియాకు వచ్చినట్టేనని అన్నారు. స్పేస్ పవర్ దేశాల్లో ఇప్పుడు ఇండియా కూడా చేరిందని నరేంద్ర మోదీ వ్యాఖ్యానించారు.
దేశ ప్రజలు అందరూ ఈ విజయం పట్ల హర్షం వ్యక్తం చేస్తున్నారు.
చైనా దేశం ఈ విజయం పై ఆచి తూచి స్పందించింది.ఆసియా లో రెండు దేశాలు అంతరిక్షం లో శాంతి కి కృషి చేయాలని పిలుపునిచ్చింది.


0 comments:

Post a Comment