Monday, February 18, 2019

కన్నుల పండుగ గా TSR అవార్డు ఫంక్షన్:ముగ్గురు త్రిమూర్తులు ఒకే వేదిక పై.


ప్రతీ సంవత్సరం లాగే ఈ సంవత్సరం కూడా టీ. సుబ్బిరామిరెడ్డి వైజాగ్ లో సినీ అవార్డు ల వేడుక ను నిర్వహించారు.ఈ వేడుక లో ప్రధాన ఆకర్షణ మెగాస్టార్ చిరంజీవి, అక్కినేని నాగార్జున, నందమూరి బాలకృష్ణ లు .వీరు ముగ్గురి తో పాటు,మంచు మోహన్ బాబు కూడా రావడం ఫంక్షన్ కి నిండుదనం వచ్చింది.ఈ వేడుక లో 2017 ,18 సంవత్సరానికి గౌతమీ పుత్ర శాత కర్ణి కి బాల కృష్ణకి,దేవదాస్ చిత్రానికి నాగార్జున, రంగస్థలం చిత్రానికి రామ్ చరణ్ కి ఉత్తమ నటులు అవార్డు లు గెలుచుకోగా ,బాల కృష్ణ ,నాగార్జున లకు అవార్డు ఇవ్వడానికి tsr తో పాటు చిరు,మోహన్ బాబు  లు వేదిక మీదికి రావడం అభిమానులకు కన్నుల పండగ అయింది.ఇటీవల బాల కృష్ణ పై చిరు తమ్ముడు నాగ బాబు చేసిన వ్యాఖ్యల తర్వాత వీరు కలవడం ఇదే మొదటి సారి.అయితే చిరు ,బాలయ్య చాలా నవ్వుతూ కనిపించారు.అంతే కాదు రామ్ చరణ్ అవార్డు ను చిరు తీసుకోగా వేదిక పైన బాలయ్య కూడా ఉన్నాడు.ఈ సందర్బంగా చిరంజీవి మాట్లాడుతూ, బాలకృష్ణ ను తన సోదరుడు గానూ,నాగార్జున ను తన హృదయానికి దగ్గరైన వ్యక్తి గా అభివర్ణించడం ఇరు వర్గాల ప్రేక్షకుల ను ఎంతో ఆనందానికి గురిచేసింది.ఇక మోహన్ బాబు ను చిరు సంబోధిస్తూ,పెద్దాయన కానీ కుర్రాయన అనటం అందరినీ నవ్వించింది.చిరంజీవి మాట్లాడుతూ ,రామ్ చరణ్ తండ్రిగా గర్వ పడుతున్నానని,చరణ్ తన అంచనాలకు మించి రాణిస్తున్నాడని తెలిపాడు.తర్వాత నాగార్జున మాట్లాడేటప్పుడు,  తన కన్నా పెద్దవాడు , అన్నయ్య లాంటి వాడు మోహన్ బాబు అని అనగానే అందరూ ఘొల్లున నవ్వారు.మొత్తానికి  ఈ ప్రోగ్రామ్ చాలా ఆహ్లాదకరంగా జరిగింది.

0 comments:

Post a Comment