Monday, February 4, 2019

"RRR" మూవీ : స్నేహితులు మరియు అన్నదమ్ములు గా రామ్ చరణ్ అండ్ ఎన్టీయార్??? 


ఒకటి కాదు, రెండు కాదు, మూడు కొదమ సింహాలు అడవిలో కసిగా, చాకచక్యంగా వేటాడుతున్న ఒక ఫోటోని చూపించి ఆ వేటకు సంబంధించి ఏ చిన్న విషయం బయటకు తెలియనీకుండ వేట సాగుతూనే ఉంటే ఏంజరుగుతుందో తెలుసుకోవాలన్న ఉత్సుకత ఎలా ఉంటుందో అలా వుంది ఇప్పుడు యావత్ సినీ అభిమానుల పరిస్థితి. షూటింగ్ మొదలు అయినా రోజు ఒక ఫోటో వదిలారు వేట మొదలయింది అని చూచాయప్రాయంగా తెలిపేందుకు.. ఇక అంతే అప్పటి నుండి అందరి కళ్ళు అటు వైపే....  ఇప్పటికే అర్థం అయివుంటుంది మాట్లాడుతుంది కోట్లాది సినీ అభిమానులు ఎంతో ఆత్రంగా ఎదురుచూస్తున్న "RRR" మూవీ గురించి అని. ఏ చిన్న విషయం బయటకి వస్తుందా అని చూస్తున్న చరణ్ అండ్ ఎన్టీయార్ అభిమానులకు ఇంకో వార్త నెట్టింట్లో హల్ చల్ చేస్తుంది. "RRR" మూవీ పునర్జన్మల నేపథ్యంలో సాగుతుంది అని.. సినిమా మొదట 1940 వ సంవత్సర కాలం లో ప్రారంభమవుతూ చరణ్ అండ్ ఎన్టీయార్ లు అన్నదమ్ములు గా కనిపిస్తారని ఇక ఆ తరువాత కథ ప్రస్తుత కాలమానం లో కి ప్రవేశించటం చరణ్, ఎన్టీయార్ లు స్నేహితులుగా కథ సాగుతుంది అని ఈ వార్త సారాంశం. ఇక ఇంతకు ముందు ఎన్టీయార్ బందిపోటుగా చరణ్ పోలీస్ పాత్రలో సినిమా సాగుతుంది అనే మరో రూమర్ వచ్చిన విషయం తెలిసిందే. కథ ఏదైనా ఈ మూడు కొదమసింహాలు వేటను రక్తి కట్టిస్తాయి అనడం లో సందేహమే లేదు. ఈ వార్తల సారాంశం లోని నిజా నిజాలు ఎంతవరకు కరెక్టో తెలియాలి అంటే సినిమా ఫస్ట్ లుక్ లేదా ప్రీ లుక్ అయినా రిలీజ్ అవ్వాల్సిందే. 

0 comments:

Post a Comment