Thursday, February 7, 2019

"యాత్ర" మూవీ ప్రివ్యూ.


 70 ఎం ఎం ఎంటర్టైన్మెంట్ పతాకం ఫై మహి వి రాఘవ దర్శకత్వంలో "మమ్ముట్టి" లాంటి దిగ్గజ నటుడు దివంగత నాయకుడు వై.ఎస్ రాజశేఖర రెడ్డి పాత్ర పోషించిన "యాత్ర" మూవీ రేపు విడుదల అవుతుంది. ఇక సినిమా స్టోరీ విషయానికి వస్తే అందరికి తెలిసిన వై.ఎస్.ఆర్ పాదయాత్ర నేపథ్యం లో సాగనుంది అని తెలిసిందే. ఈ తెలిసిన కథ వెనుకాల ఉన్న తపన, ప్రజల నుండి వచ్చిన స్పందన తెరపై ఎలా ఆవిష్కరించారు అనేది సినిమా విజయం ఫై ప్రభావం చూపే అంశాలు. ఇక ఒక పొలిటికల్ డాక్యూమెంటరి కథ చెప్పి మమ్ముట్టి లాంటి సూపర్ స్టార్ ని ఒప్పించడం కష్టంతో కూడిన పని. మమ్ముట్టి లాంటి నటుడు ఒప్పుకోవటమే సినిమా కథ లో, కథనం లో విషయం వుంది అని చెప్పుకోవచ్చు. ఇక మమ్ముట్టి గారు వై.ఎస్.ఆర్ పాత్రలో టీజర్, ట్రైలర్ లో కనిపించిన తీరు కు పాజిటివ్ రెస్పాన్స్ వచ్చింది. ఇక ట్రైలర్ ని బట్టి ఒక రాజకీయనాయకుడి నుండి ప్రజలు ఎం కోరుకుంటున్నారు అని ప్రజల గుండె చప్పుడు వినడానికి ప్రజలమధ్యకు వెళ్లే లైన్ తో సినిమా మొదలు అవుతుంది. ఒక రాజకీయనాయకుడు తన గడప దాటి తన చుట్టూ ఉన్న కోటరీలు దాటి పల్లెల్లో కి వస్తే రైతే రాజు అని తెలిసిన ఆ నాయకుడికి చెరువుల్లో కాలువల్లో ఉండాల్సిన నీళ్లు, రాజుగా పిలవబడే  రైతు కళ్ళలో ఉండటం, గిట్టు బాటు దర లేక రైతు నాగలికి కట్టాల్సిన తాడు రైతు అనే రాజు మెడకు కట్టుకుట్టున్న సందర్భం, వయసు పెరిగి ఏ పని చేయలేని వృద్ధుల కష్టాలు, ఆసుపత్రుల చుట్టూ లక్షల్లో ఉన్న ఫీజలు కట్టలేని నిరుపేదలు, లక్షల్లో ఉన్న ఫీజులు కట్టలేని దేశ భవిత అనబడే యువత కష్టాలు ఇలా ఒక కొత్త ప్రపంచాన్ని చుసిన ఆ నాయకుడి స్పందన తీసుకోబేయే నిర్ణయాల సమాహారమే ఈ యాత్ర మూవీ. ఒక సినిమాకు కావల్సిన కథ వస్తువులు చాల వున్నాయి. మమ్ముట్టి లాంటి గొప్ప నటుడు ఉన్న ఈ సినిమాను దర్శకడు తెరపై ఎంత పట్టుసడలని స్క్రిన్ ప్లే తో ఆవిష్కరించాడో అనేది సినిమా విజయాన్ని నిర్ణయిస్తుంది. ఇప్పటికే రిలీజ్ అయిన పాటల కు స్పందన బాగుంది. దర్శకుడు చెప్తున్నట్టు ఇది ఒక పార్టీ కి సంబంధించిన సినిమా అనే కోణంలో ప్రేక్షకులు చూడకుండా సినిమాను ఆదరించాలి అంటే మాత్రం తప్పకుండ ఎలాంటి కాంట్రవర్సీ విషయాలు గాని ఎన్నికల స్టంట్ గా తీసిన సినిమా అనికాని అనిపించకపోతే సినిమా కి పాజిటివ్ గా మారె అవకాశం వుంది. మరికొన్ని గంటల్లో ఈ "యాత్ర" జైత్రయాత్ర గా మారుతుందో లేదో తెలిసిపోతుందు. 

0 comments:

Post a Comment