Monday, January 28, 2019

'వాల్మీకి' గా వరుణ్ తేజ్ 


తమిళ సూపర్ హిట్ మూవీ 'జిగర్తాండ' ని తెలుగు లో వరుణ్ తేజ్ ప్రధాన పాత్రలో హరీష్ శంకర్ దర్శకత్వంలో 14 రీల్స్ సంస్థ నిర్మిస్తున్న 'వాల్మీకి' సినిమా షూటింగ్ ప్రారంభమైనది. తమిళ్ మూవిలో సిద్దార్థ్ హీరోగా, బాబీ సింహ విలన్ గా నిర్మితమైన ఈ సినిమా ను టాలెంటెడ్ డైరెక్టర్ గా పేరుతెచ్చుకున్న కార్తీక్ సుబ్బరాజు దర్శకత్వం వహించాడు. ఈ సినిమా కథ విషయానికి వస్తే మూవీ డైరెక్టర్ కావాలనుకునే హీరోకి అండ్ ఒక రౌడీకి మధ్యనడిచే స్టోరీ. బాబీ సింహ పోషించిన భయంకరమైన రౌడీ పాత్రను వాల్మీకిలో వరుణ్ తేజ్ చేస్తున్నాడు. ఈ సినిమాకి ముందు వరకు బాబీ సింహ చిన్నా చితక పాత్రలు పోషిస్తూ వుండే నటుడు. జిగర్తాండ సినిమాతో తమిళ్ ఇండస్ట్రీ బాబీ సింహ లో ఉన్న ఒక గొప్ప నటుణ్ని చూసింది. ఈ సినిమాలో బాబీ నటనకు గాను జాతీయ అవార్డును సొంతం చేసుకున్నాడు. బాబీ నటన, కార్తీక్ సుబ్బరాజు కథను నడిపిన తీరు మరియు చివరి 15 నిముషాలు సినిమాను సూపర్ హిట్ గా నిలిపాయి. ఇక వాల్మీకి విషయానికి వస్తే వరుణ్ తేజ్ ఒక రౌడీ గా ఆకట్టుకోగలడా, చివరి 15 నిమిషాల కథను ఎంతవరకు మాతృకకి దగ్గరగా చూపిస్తారు అనేవి సినిమా విజయం ఫై ప్రభావం చూపే అంశాలు. ఇక హీరో పాత్ర పోషించిన సిద్దార్థ్ పాత్రను తెలుగు లో ఎవరు చేస్తారు అనేది ఇంకా ప్రకటించలేదు. దబాంగ్ లాంటి హిందీ బ్లాక్ బస్టర్ ని తెలుగు ప్రేక్షకుల అభిరుచి మేర మార్పులు చేసి గబ్బర్ సింగ్ లాంటి ఇండస్ట్రీ హిట్ కొట్టిన హరీష్ శంకర్ ఈ వాల్మీకి ని ఏ స్థాయి లో నిలబెడుతాడో చుడాల్సిందే. 

0 comments:

Post a Comment