Friday, May 31, 2019

సూపర్ స్టార్ మహేష్ బాబు "సరిలేరు నీకెవ్వరూ.."లో కీలక పాత్రలో లేడీ సూపర్ స్టార్ విజయశాంతి.


సూపర్ స్టార్ మహేష్ బాబు "సరిలేరు నీకెవ్వరూ.." సినిమా లో ఒక కీలక మైన పాత్రలో లేడీ సూపర్ స్టార్ విజయశాంతి నటిస్తున్నారు.ఈ విషయాన్ని విజయశాంతి స్వయంగా తెలియజేశారు.ఆమె మాట్లాడుతూ "నా మొదటి  9 సినిమాలు తమిళ సినిమాలు,కానీ నేను నటించిన మొట్టమొదటి తెలుగు సినిమా సూపర్ స్టార్ కృష్ణ గారితోనే చేశాను.ఇన్నాళ్లు రాజకీయాల్లో ఉండటం వల్ల సినిమాలకి దూరంగా ఉన్న నేను,మళ్లీ నా రెండో ఇన్నింగ్స్ కాకతాళీయంగా, కృష్ణ గారి అబ్బాయి మహేష్ బాబు తో నే ప్రారంభం కావడం ఆనందంగా ఉంది.ఇప్పటి వరకు 182 సినిమాల్లో నటించిన నేను ,ఎంతో అంకితభావంతో పని చేశాను,ఇక ముందు కూడా అలాగే పనిచేస్తాను" అని తెలిపారు.కాగా మహేష్ బాబు బాల నటుడిగా విజయ శాంతి తో 'కొడుకు దిద్దిన కాపురం' సినిమాలో ద్విపాత్రాభినయం చేసిన విషయం తెల్సిందే. యిప్పుడు మళ్లీ ఇన్నాళ్లకు తిరిగి కలిసి నటిస్తున్నారు. నిజంగా ఇది సినీ అభిమానులకి ఎంతో ఆనంద దాయకం.ఈ కాంబినేషన్ వల్ల సినిమా పై ఆసక్తి మరింత పెరిగింది.తెలుగు సినీ చరిత్రలో అగ్రగణ్యులయిన నటీ మణుల్లో,భానుమతి,సావిత్రి గార్ల తర్వాత ఆ స్థాయి ని అందుకున్న ఏకైక నటి విజయశాంతి మాత్రమే.ఈ కాంబినేషన్ ని సెట్ చేసిన డైరెక్టర్ అనిల్ రావి పూడి కి నిజంగా థాంక్స్ చెప్పాలి,ఎందుకంటే ఎంతో ప్రతిభగల్గిన నటి అయిన విజయశాంతి లాంటి నటీ మణులు ఈ కాలం లో సినిమాలకు దూరంగా ఉండడం నిజంగా లోటుగా ఉండేది.ఇప్పుడు ఆ లోటు తీరింది.ఇక నుండి మంచి మంచి పాత్రల తో ప్రేక్షకులను విజయశాంతి అలరించాలని కోరుకుందాం.
All the best Vijayashanthi గారు.
త్రిభువనవిజయం. కామ్

0 comments:

Post a Comment